Hasi dira Gasteiz Antzokiko lanak

Atzoko egunez hasi ziren Ruiz de Bergaratarren jauregian Gasteizko Antzokia eta Euskararen Etxea sortzeko lanak.

Gasteizko Udalak duela bi aste aurreratu zuenez, Ruiz de Bergaratarren jauregian Gasteiz Antzokia eta Euskararen Etxea eraikitzeko obrak hasi dira. Udal gobernuak proiektua bera eta 206.000 euroko inbertsioa onetsi zituen urtarrilaren 22an: egiturazko lanak gauzatzeko lau hilabeteko epea izango da; obra guztiak egikaritzeko, ordea, 18 hilabete.

“Hasi dira Gasteiz Antzokiko lanak” irakurtzen jarraitu

Gasteiz Antzokiko obrak hastear

Udal gobernuak Ruiz de Bergaratarren jauregia moldaketako eta egiturako obrak egikaritzeko proiektua onetsi du; 206.000 euroko inbertsioa izango da, eta 4 hilabetez gauzatzeko epea izango du.

Laster, obrak egiteko fasean hasiko da Gasteiz Antzokia eta Euskararen Etxea bihurtzeko Ruiz de Bergaratarren jauregia birgaitzeko proiektua. Tokiko Gobernu Batzarrak enpresa eslepeidunari (Zikoitz S.A.) obra “potoloenak” hasteko baimena ematen dion izapidea onetsi du gaur; obra horiek egitura, isolamendua eta beste moldaketa batzuk egitekoak dira.

“Gasteiz Antzokiko obrak hastear” irakurtzen jarraitu

Kafe Antzokiaren obra hasteko tramitazioarekin aurrera jarraitzen du Gasteizko Udalak

Momentu honetan bizi dugun egoera zaila den arren, Kafe Antzokiaren obra hasteko tramitazioarekin aurrera jarraitzen du Gasteizko Udalak. Egun hauetan, udal batzordean, Alde Zaharreko hirigintza planaren hamalaugarren aldaketa onartu zuten alderdiek. Ruiz de Vergara jauregi errenazentista eraberritzeko eta birgaitzeko beharrezko tramitea da berau. Gaur egun erabilerarik ez duen Herreria kaleko eraikin honek hartuko du kulturgune euskaldun hori.

Urrats administratibo horri esker Ruiz de Vergara jauregia eraberritzen hasiko dira. Lehenengo pausuak, patioaren gainean dagoen tarteko solairua atontzea eta Errementari kaleko eraikinaren barruko espazioak berrantolatzea izango dira. Halaber, aldaketa horrek 2007an eta 2008an egindako obrak arautzeko balioko du.

Iturria: Noticias de Alava

Gasteiz Antzokiaren proiektuaren idazkuntza eta obra esleitu ditu udal gobernuak

Jatorri errenazentistako XVI. mendeko Ruiz de Bergaratarren jauregian Gasteiz Antzokia eta Euskararen Etxea eraikitzeko proiektuaren idazkuntza eta obra Zikotz SA enpresari esleitzea erabaki du gaur udal gobernuak.

“Egun historikotzat” jo du Gorka Urtaran alkateak hirian euskararen alde lan egiten duten guztiontzat. “Gasteizen euskara maite eta gozatzen duten ororen etxea” izango dela adierazi du. 2022. urtean irekiko ditu ateak.

Ruiz de Bergaratarren jauregia eraberritzeko aurrekontua 2,6 milioi eurokoa izango da. Eraikineko lau solairu egokituko dira eta sarbideak izango ditu Zapatari eta Errementari kaleetatik. Horrez gain, edukiera handiko areto nagusia eta kultur sorkuntzarako eta lanerako espazio moldagarriak ere egongo dira.

“Gasteiz Antzokiaren proiektuaren idazkuntza eta obra esleitu ditu udal gobernuak” irakurtzen jarraitu

Kafe Antzokiak lau solairu eta 2,9 milioiko aurrekontua izango du

Proiektuaren idazkuntza eta obra esleitzeko lehiaketa onetsi du Udalak; lanek 18 hilabete iraungo dute.

2019ko apirilaren 26an tokiko gobernu batzarrak Gasteizko Kafe Antzokia eta Euskararen Etxea abian jartzeko lehiaketa onetsi zuen. Proiektua idatzi eta garatzeko gehieneko aurrekontua 2.945.850 € izango da, BEZa barne. Ruiz de Bergara jauregia eraberrituko dute, eta bertan lau solairu egokituko dituzte; sarbideak Zapatari eta Errementari kaleetik, edukiera handiko areto nagusia, eta kultur sorkuntzarako eta lanerako espazio moldagarriak izango ditu.

“Kafe Antzokiak lau solairu eta 2,9 milioiko aurrekontua izango du” irakurtzen jarraitu

Talde euskaltzaleek Ruiz de Bergara jauregira egokitu dituzte Kafe Antzokia-Euskararen Etxearen programa eta espazio beharrak

Lazarraga Kultur Elkarteak (LKE) prozesu parte-hartzailea abiatu du azken hilabeteetan, arkitektura aholkularitza bidaide. Bertan, Gasteizko Kafe Antzokia-Euskararen Etxearen egitasmoak beharko dituen espazioen antolaketa eta erabileren, jardueren nolakotasunen eta ezaugarri arkitektonikoen hausnarketak eta proposamenak landu dira. Prozesuaren ondorio txostenean jasotakoak Ruiz de Bergararen lehiaketa arkitektonikoan oinarri gisa hartzea guztiz beharrezkotzat jotzen du LKEk.

“Talde euskaltzaleek Ruiz de Bergara jauregira egokitu dituzte Kafe Antzokia-Euskararen Etxearen programa eta espazio beharrak” irakurtzen jarraitu

[Lan deialdia] Comunity Manager- Komunikazio teknikaria

Eskaintzaren deskribapena:

Lazarraga Kultur Elkartea Oihaneder Euskararen Etxea-Gasteizko Kafe Antzokia egitasmoaren sustapen lana egiten ari den elkartea da. Egun Oihaneder Euskararen Etxeko kultur programazioaren ardura darama, eta deialdi honetan elkarteko lantaldearen parte izatea eskaintzen da.
Deialdi honen helburua da sare sozialetako presentzia hobetuz komunikazio lana indartzea: bideogintza, askotariko multimedia euskarriak, estrategia eta kanpaina zehatzak, webgunearen kudeaketan laguntza…

Horrez gain, proiektuaren sustapenari, programazio kulturalari, produkzioari edo/eta dinamizazioari dagozkion lanak egitea ere gerta liteke, eta horrela elkarteak dituen eguneroko lan-beharrei erantzuna emango litzaioke.

“[Lan deialdia] Comunity Manager- Komunikazio teknikaria” irakurtzen jarraitu

Gasteizko Kafe Antzokia – Euskararen Etxea egitasmoa Ruiz de Bergara jauregian

Kafe Antzokia-Euskararen Etxerako kokapena erabakita, orain  egitasmoa garatzeko oinarri sendoak zehaztu behar dira

Gasteizko Euskara Elkarguneak asteartean kokapen proposamenari baiezko baldintzatu bat eman ondoren, datozen aste eta hilabeetan egitasmoaren oinarriak sendo eta indartsu eraikiko dituen akordioa zehaztu beharko dute proiektuaren sustatzaileek eta Gasteizko Udaleko ordezkariek. “Gasteizko Kafe Antzokia – Euskararen Etxea egitasmoa Ruiz de Bergara jauregian” irakurtzen jarraitu