Nolakoa izango da Izaskun Arrue Kulturgunea?

Ruiz de Bergara jauregia berritzeko 2,6 milioi euroko inbertsioa egin da, eta Zikotz SA enpresak egin ditu lanak. Horri esker, egituran, isolamenduan eta beste egokitzapen batzuetan esku hartu da, eraikina Izaskun Arrue Kulturgunea hartzeko prest uzteko.

IKUSI irudiak eta bideoa

Kultur azpiegitura berriak bi sarrera eta lau solairu izango ditu:

“Nolakoa izango da Izaskun Arrue Kulturgunea?” irakurtzen jarraitu

Euskara arnasteko aterpe izango da

Egur lixatu eta bernizatuaren usaina dago. Jendeari ateak irekitzen dizkioten lehen aldia baita, baina zorioneko gutxi batzuentzat ireki dute bakarrik. Eraikinaren erraiak zuzenean ezagutzeko aukera izan du BERRIAk, Gorka Urtaran Gasteizko alkatearekin eta Iñaki Gurtubai Euskara zinegotziarekin batera. Amaitu dituzte obrak, eta barrukoa materialez hornitzea falta da bakarrik: oholtza bat, bafleak, ordenagailuak, teknikarien mahaia… Oraindik erabaki gabe dagoen gunearen administratzaile berriak erabaki beharko du nola bete. Halere, dagoeneko ikus daiteke Gasteiz antzokiak zer neurri izango duen.

“Euskara arnasteko aterpe izango da” irakurtzen jarraitu

Gasteiz Antzokiaren obrak abuztuaren hasieran amaituko dira

Ruiz de Bergaratarren Jauregia birgaitzeko lanak abuztuaren 4rako amaitzea eta Izaskun Arrue Kulturunea 2023ko hasieran zabalik izatea espero du Gasteizko Udalak.

Gasteiz Antzokiaren proiektua errealitate bat izatetik gero eta gertuago dago, hiriko euskaltzaleen urte luzeetako lanaren ostean. Hasiera batean 2022an zehar irekitzeko asmoa bazegoen ere, kultur azpiegitura 2023ko hasierarako martxan izango dela baieztatu du Udalak, Noticias de Alava egunkariak argitaratu duenez.

“Gasteiz Antzokiaren obrak abuztuaren hasieran amaituko dira” irakurtzen jarraitu

[Lan deialdia] Marketin eta Komunikazio Teknikaria

Eskaintzaren deskribapena:

Lazarraga Kultur Elkartea 2013. urtean jaio zen irabazi-asmorik gabeko kultur elkartea da, eta bere xede nagusia kulturaren bitartez Arabako eta bereziki Gasteizko euskararen normalizazioan eragitea da.  

Gaur egun, Ruiz de Bergara jauregian kokatuko den Izaskun Arrue kulturgune berrirako balizko proiektua lantzen eta prestatzen ari da elkartea. Lantaldeko Komunikazio eta publikoen esparruan lanean aritzeko Marketin eta Komunikazio Teknikari bat bilatzen ari da. Esparruaren arduradunaren gidaritzapean, marketin eta komunikazio planen diseinuaz eta antolaketaz arduratuko da.

“[Lan deialdia] Marketin eta Komunikazio Teknikaria” irakurtzen jarraitu

Urrats berriak Gasteizen,  kulturgune euskaltzalea lortzeko bidean

Aurreko egunetan Gasteizko Udalak jakinarazi du Errementari kaleko Ruiz de  Bergara jauregian gauzatuko den kultur proiektu euskaltzaleari Izaskun Arrue  Kulturunea deituko zaiola; ongi dakizuen bezala, 60ko hamarkadan, Frankismo betean,  bere etxean euskara eskolak ematen hasi zen andereñoa omentzeko asmotan.  

Lazarraga Kultur Elkarteko kideok beste izen bat proposatu genuen kulturgune  berrirako, baina Gasteizko Udalak, hainbat arrazoi tarteko, ez du aintzat hartu gure  proposamena.  

“Urrats berriak Gasteizen,  kulturgune euskaltzalea lortzeko bidean” irakurtzen jarraitu

Izaskun Arrue Kulturunea izango du izena Gasteiz Antzokiak

Gasteiz Antzokiak Izaskun Arrue Kulturunea izena izango du. Gasteizko alkate Gorka Urtaranen erabakiak Gasteiz euskalduntzeko aitzindaria izan zena omendu nahi du. Izan ere, Arrue Arabako lehen andereñoa izan zen, euskarazko irakaskuntzan murgildutako emakume bat eta hiriko lehen ikastolaren bultzatzaileetako bat.

“Keinu honen bidez, eskerrak eman nahi dizkiogu Izaskun Arrueri gasteiztarren belaunaldi berriei hizkuntza transmititzeko erakutsi duen konpromisoagatik eta egindako ahaleginagatik. Izaskun Arrue Kulturunea, ilusioz beteriko azpiegitura hau, euskararen pizgarri izango da Gasteizen”, Gorka Urtaran alkateak azaldu duenez.

“Izaskun Arrue Kulturunea izango du izena Gasteiz Antzokiak” irakurtzen jarraitu

Hasi dira Gasteiz Antzokiko lanak

Atzoko egunez hasi ziren Ruiz de Bergaratarren jauregian Gasteizko Antzokia eta Euskararen Etxea sortzeko lanak.

Gasteizko Udalak duela bi aste aurreratu zuenez, Ruiz de Bergaratarren jauregian Gasteiz Antzokia eta Euskararen Etxea eraikitzeko obrak hasi dira. Udal gobernuak proiektua bera eta 206.000 euroko inbertsioa onetsi zituen urtarrilaren 22an: egiturazko lanak gauzatzeko lau hilabeteko epea izango da; obra guztiak egikaritzeko, ordea, 18 hilabete.

“Hasi dira Gasteiz Antzokiko lanak” irakurtzen jarraitu

Gasteiz Antzokiko obrak hastear

Udal gobernuak Ruiz de Bergaratarren jauregia moldaketako eta egiturako obrak egikaritzeko proiektua onetsi du; 206.000 euroko inbertsioa izango da, eta 4 hilabetez gauzatzeko epea izango du.

Laster, obrak egiteko fasean hasiko da Gasteiz Antzokia eta Euskararen Etxea bihurtzeko Ruiz de Bergaratarren jauregia birgaitzeko proiektua. Tokiko Gobernu Batzarrak enpresa eslepeidunari (Zikoitz S.A.) obra “potoloenak” hasteko baimena ematen dion izapidea onetsi du gaur; obra horiek egitura, isolamendua eta beste moldaketa batzuk egitekoak dira.

“Gasteiz Antzokiko obrak hastear” irakurtzen jarraitu

Kafe Antzokiaren obra hasteko tramitazioarekin aurrera jarraitzen du Gasteizko Udalak

Momentu honetan bizi dugun egoera zaila den arren, Kafe Antzokiaren obra hasteko tramitazioarekin aurrera jarraitzen du Gasteizko Udalak. Egun hauetan, udal batzordean, Alde Zaharreko hirigintza planaren hamalaugarren aldaketa onartu zuten alderdiek. Ruiz de Vergara jauregi errenazentista eraberritzeko eta birgaitzeko beharrezko tramitea da berau. Gaur egun erabilerarik ez duen Herreria kaleko eraikin honek hartuko du kulturgune euskaldun hori.

Urrats administratibo horri esker Ruiz de Vergara jauregia eraberritzen hasiko dira. Lehenengo pausuak, patioaren gainean dagoen tarteko solairua atontzea eta Errementari kaleko eraikinaren barruko espazioak berrantolatzea izango dira. Halaber, aldaketa horrek 2007an eta 2008an egindako obrak arautzeko balioko du.

Iturria: Noticias de Alava