Eskaintzaren deskribapena:
Lazarraga Kultur Elkartea 2013. urtean jaio zen irabazi-asmorik gabeko kultur elkartea da, eta bere xede nagusia kulturaren bitartez Arabako eta bereziki Gasteizko euskararen normalizazioan eragitea da.
Egun, Izaskun Arrue kulturgune berriaren kudeaketaz arduratzen da elkartea. Kultura-programazioaren esparruko arduraduna izateko lan deialdia ireki da.
Lanpostuaren eginbeharrak:
- Kultura-programazioko planifikazio estrategikoaren gidaritza: garatu nahi den kultura programazioaren helburuak eta ildo estrategikoak lantzea eta definitzea.
- Kultura-programazioaren osaketa eta koordinazioa: jarduerak definitu, aukeratu, garatu, ekoiztu, koordinatu, jarraitu eta ebaluatu, helburuen eta ildo estrategikoaren arabera.
- Kultura-programazioaren ekoizpena: jarduerak gauzatzeko behar diren behar teknikoak zehaztu eta hornitzaileekin koordinatu.
- Eragile estrategikoen azterketa eta aukeraketa: kultura-programazioa garatzeko eragile ezberdinak bilatu. Hauen ezaugarriak aztertu eta egoki ikusten bada harremana sortu.
- Iristen diren proposamenei arreta egitea eta aukeraketa burutzea.
- Indarrean dagoen ebaluazio sistemari jarraipena egitea: kultura programazioaren alorrean antolatzen diren jardueren ebaluazioa egin.
- Kultura-programazioaren esparruko lantaldea koordinatzea: lantaldea koordinatu eta kideen zereginak zehaztu.
- Aurrez-aurreko arreta jardueretan: arratsaldeak eta asteburuak barne
- Kudeaketa ekonomikoa: administrazio eta kudeaketaren arduradunak gainbegiratuta, alorreko aurrekontua egin eta horri jarraipena egin.
- Lantaldearen beste bi arduradunekin lantaldea koordinatzea
- Eragile publiko eta pribatuekin harremana izatea.
- Erakundeko eguneroko beharretan laguntza ematea.
Lan-baldintzak
- Kontratu mota: mugagabea, 6 hilabeteko probaldiarekin.
- Lanaldia: osoa (37,5 ordu astero/1.650 ordu urtean)
- Soldata: 34.000 € – 37.000 € gordin urtean
- Lan lekua: Izaskun Arrue Kulturgunea (Gasteiz)
Baldintzak
Nahitaezkoa:
- Humanitateen edota Enpresa Administrazioaren arloan unibertsitateko ikasketak amaituta izatea
- Kultura-kudeaketan graduondoko ikasketak izatea
- Kultura-programazioan gutxienez bost urteko esperientzia izatea
- Lantaldeen koordinazioan gutxienez 2 urteko eskarmentua izatea.
- Ofimatika programen erabilera menperatzea
- Euskal Herriko eta bereziki Gasteizko kulturgintzaren eta euskalgintzaren inguruko ezagutza izatea
- Euskara idatziz eta ahoz menperatzea (gutxienez C1 maila)
Baloratuko da:
- Kultura-programazioaren arloan graduondoko ikasketak izatea
- Odoo ERPa erabiltzen jakitea
- Lan Arriskuen Prebentzioan (LAP) ikasketak izatea/prebentzio-baliabidea izatea
- Arduratsua izatea, eta antolatzeko, lidergorako eta talde lanean aritzeko gaitasuna izatea.
- Gasteizko (Kafe) Antzokia-Euskararen Etxea proiektua ezagutzea
- Elkartegintzan eskarmentua izatea
- Teknologia berriekin eskarmentua izatea
- Euskara: C2 maila izatea
- Ingelesa: B2 maila izatea
- B1 gidabaimena eta autoa izatea
- Gasteizkoa edo Arabakoa izatea
Laburpena
Lekua: Gasteiz Araba
Enpresa: LAZARRAGA KULTUR ELKARTEA
Lan mota: Jardunaldi osoa
Soldata: 30.000-35.000
Hautaketa prozesuaren jarraibideak
Hautaketa prozesuaren jarraibideak
- Izena emateko: CVa bidali info@lazarraga.eus helbidera
- Izena emateko epea: 2024ko uztailaren 1a, goizeko 10:00etan
- Aukeratutako pertsona uztailean hasi beharko da lanean
[Lan-deialdia] Kultura-programazioaren arduraduna