Kultur proiektuak euskaraz
Deialdi honetan Lazarraga Kultur Elkarteko lantaldearen parte izatea eskaintzen da. Urtebeteko eszedentzia bat estaltzea da helburua. Bi hereneko lanaldia eskaintzen da. Langileak egitasmoaren komunikazio beharren ardura izango du. Aukeratutako pertsona 2019ko uztailean lanean hasteko prest egon beharko da.
Proiektuaren idazkuntza eta obra esleitzeko lehiaketa onetsi du Udalak; lanek 18 hilabete iraungo dute. 2019ko apirilaren 26an tokiko gobernu batzarrak Gasteizko Kafe Antzokia eta Euskararen Etxea abian jartzeko lehiaketa onetsi zuen. Proiektua idatzi eta garatzeko gehieneko aurrekontua 2.945.850 € izango da, BEZa barne. Ruiz de Bergara jauregia eraberrituko dute, eta bertan lau solairu egokituko dituzte; […]
Kafe Antzokia-Euskararen Etxerako kokapena erabakita, orain egitasmoa garatzeko oinarri sendoak zehaztu behar dira Gasteizko Euskara Elkarguneak asteartean kokapen proposamenari baiezko baldintzatu bat eman ondoren, datozen aste eta hilabeetan egitasmoaren oinarriak sendo eta indartsu eraikiko dituen akordioa zehaztu beharko dute proiektuaren sustatzaileek eta Gasteizko Udaleko ordezkariek.
Kokapen berria aztertzearekin batera, kudeaketa plana ezinbestekoa da Udal Gobernuak Gasteizko Kafe Antzokirako egindako kokapen proposamen berria, Ruiz de Bergara jauregia, sakonki aztertzeko konpromiso irmoa hartu du Lazarraga Kultur Elkarteak (LKE).
Urtarril honetan beteko dira 9 urte Gasteizko Udalean euskara ardatz izango zuen azpiegitura kultural bat sortzea aho batez erabaki zela. Alde Zaharrean kokatuko zela agindu zuten, eta geroztik hainbat pauso eman diren arren, Gasteizko euskaldun eta euskaltzaleok oraindik ez dugu Kafe Antzokiko ateak zeharkatzerik izan. Ezagun da Oihaneder Euskararen Etxea martxan dela Montehermoso jauregian, baina […]
Lazarraga Kultur Elkarteak begi onez ikusten du Udal Gobernuak hartutako erabakia. Orain Gasteizko Kafe Antzokia-Oihaneder Euskararen Etxea egikaritu nahi dugun eragile guztion artean egitasmoa lantzea eta adostea da erronka.
Idazki honen bidez, Oihaneder Euskararen Etxea – Gasteizko Kafe Antzokia egitasmoaren (OEE-GKA) sustatzailea den Lazarraga Kultur Elkarteak (LKE) azken hilabeteetan izandako bileren eta hausnarketen ondorioz hartutako erabakia helarazi nahi dio egitasmoaren inguruko eragileei, iritzi publikoari eta oro har Gasteizko jendarteari.
Lazarraga Kultur Elkarteak egoki ikusten du Oihaneder Euskararen Etxea-Gasteizko Kafe Antzokia egitasmorako kokapen proposamen sendo bat egotea. Honekin batera, egun etxadian martxan dauden jardueren jarraipena eta egitasmoarekiko kontsensu politikoa bermatu behar dela deritzo, baita izaera juridiko propioa eman eta etorkizuneko kudeaketa adostu ere.
Udal hauteskundeetara aurkeztuko diren talde politiko gehienekin bildu ostean, datorren legegintzaldian Kafe Antzokia egiteko borondate politikoa dagoela berretsi du Lazarraga Kultur Elkarteak.
Gasteizko Kafe Antzokiaren aldeko Plataformak 2013an sortu zuen Lazarraga Kultur Elkartea, plataformak izaera juridikoa izan zezan.
![[Lan deialdia] Komunikazio teknikaria](https://lazarraga.eus/wp-content/uploads/2019/05/LAN-ESKAINTZA-2.jpg)
